Temperaturat e ulëta dhe ngricat kanë shkaktuar sot kaos në dy nga aeroportet kryesore të Europës Qendrore. Aeroporti Ndërkombëtar i Vjenës u mbyll për disa orë në mëngjes, ndërsa Aeroporti Václav Havel në Pragë funksionon me kufizime të rrepta, duke shkaktuar vonesa dhe anulime të shumta fluturimesh.

Sipas zëdhënësve të aeroportit të Vjenës, pistat u mbuluan me një shtresë të trashë akulli që nuk mund të hiqej plotësisht edhe pas përpjekjeve intensive të stafit. Për këtë arsye, disa fluturime u devijuan drejt aeroporteve të tjera në rajon.

Ndërkohë, në Pragë autoritetet kanë vendosur për një funksionim të kufizuar të aeroportit, ku mbërritjet janë të reduktuara dhe disa fluturime janë anuluar. Stafi po punon intensivisht për pastrimin e pistës kryesore, por vonesat pritet të vazhdojnë gjatë gjithë ditës.

Udhëtarët këshillohen të verifikojnë statusin e fluturimeve përpara nisjes dhe të ndjekin udhëzimet e kompanive ajrore për të shmangur surprizat e pakëndshme./ Zoom.al

Postime të lidhura

• 
  I ftohti paralizon Evropën/ Qindra fluturime të anuluara në Amsterdam, Parisi mbulohet nga dëbora
• 
  Kaos në Brindisi/ Qindra shqiptarë të bllokuar në aeroport për orë të tëra
• 
  Parashikimi i motit për ditën e enjte, çfarë ndodh me temperaturat