Ditën e enjte vendi ynë do të ndikohet nga kushte atmosferike të paqëndrueshme.

Sipas Shërbimit Meteorologjik Ushtarak, moti parashikohet me vranësira mesatare dhe të dendura prej orëve të para të 24-orëshit deri në orët e mesditës.

Pas orëve të mesditës, në vend do të mbizotërojë mot me alternime kthjellimesh e vranësirash.

Ndërsa pas orëve të pasdites, moti do të jetë kryesisht i kthjellët e vranësira të pakta deri mesatare kalimtare.

Reshjet e shiut parashikohen të jenë prezente prej orëve të para të 24-orëshit deri në mëngjes me intensitet të ulët deri mesatar kryesisht përgjatë ultësirës perëndimore në formën e shtrëngatave afatshkurtra shoqëruar me shkarkesa elektrike, ndërsa në pjesën tjetër të territorit do të jenë me
intensitet të ulët.

Gjatë ditës reshjet parashikohen me intensitet të ulët hera-herës. Shtrëngata afatshkurtra do të jenë të pranishme përgjatë relieveve malore. Pas orëve të pasdites, pritet ndërprerje graduale e reshjeve të shiut në të gjithë territorin. Era do të fryjë me drejtim juglindje – jugperëndim me shpejtësi mesatare 6m/s./ Zoom.al

Postime të lidhura

• 
  Mot i kthjellët, parashikimi për ditën e sotme! Sa do të shënojë termometri
• 
  Qytetarët njëzëri para Kryeministrisë: Rama në burg, Berisha në Burg, opozitë e shitur
• 
  Shi dhe shtrëngata në disa qarqe, si pritet të jetë moti sot