Gjashtë persona humbën jetën dhe shtatë të tjerë u plagosën pasi një person i armatosur hapi zjarr në provincën Mersin të Turqisë.
Të shtënat raportohet se kanë filluar në një restorant, dhe i dyshuari, i cili raportohet të jetë një 37-vjeçar, më pas është larguar me makinë.
Policia ka nisur një operacion në shkallë të gjerë për të kapur personin e armatosur.
Njoftimet e mediave turke thonë se dy persona u vranë në restorant dhe besohet se ata ishin pronari dhe një punonjës. Mes viktimave raportohet edhe bashkëshortja e autorit.
Personi i armatosur më pas vazhdoi të qëllonte, duke vrarë një bari që kulloste delet e tij në zonë dhe një shofer kamioni.
