Kryeministri i Britanisë së Madhe, Keir Starmer, ka bërë të ditur vendimin për t’u larguar nga drejtimi i qeverisë dhe nga posti i kreut të Partisë Laburiste.
Në deklaratën e tij publike, Starmer konfirmoi se e ka njoftuar Mbretin për vendimin e marrë, ndërsa i ka kërkuar Komitetit Ekzekutiv Kombëtar të Partisë Laburiste të nisë procedurat për zgjedhjen e liderit të ri.
Sipas planit të paraqitur, procesi i kandidimeve për garën e lidershipit do të hapet më 9 korrik, me synimin që partia të ketë zgjedhur drejtuesin e ri përpara rikthimit të Parlamentit në muajin shtator.
Starmer theksoi se vendosja e një kalendari të qartë për zgjedhjen e pasardhësit është e rëndësishme për të garantuar stabilitet politik dhe funksionimin normal të partisë gjatë muajve në vijim.
“Kam kërkuar që procesi i zgjedhjes së liderit të ri të zhvillohet brenda një afati të përcaktuar, në mënyrë që Partia Laburiste të jetë e përgatitur për rifillimin e punimeve parlamentare”, u shpreh ai./ Zoom.al
