Me të vërtetë duket se nuk ka paqe për Juventusin. Një tjetër aferë jashtë fushës që përfshin klubin e Juventusit ka të bëjë me Nicolò Fagioli.
Mesfushori i lindur në vitin 2001 është nën hetim nga Prokuroria e Torinos pasi dyshohet se ka vënë bast në platforma të paligjshme, diçka e ndaluar nga neni 24 i Kodit të Drejtësisë Sportive.
Nëse vërtetohet mund të çojë në një përjashtim minimal prej tri vitesh ose më shumë ( plus një gjobë prej 25 mijë euro ose më shumë).
Bixhozi nuk është krim, por është i ndaluar nëse bastet vendosen me bastevënës të paautorizuar nga shteti italian, por neni 24 specifikon ndalimin “për subjektet e sistemit federal, për menaxherët, për anëtarët dhe anëtarët e shoqërive që i përkasin sektorit profesional të vendosin ose pranojnë baste, drejtpërdrejt ose tërthorazi, edhe nga palët e autorizuara për t’i marrë ato, të cilat kanë si objekt rezultate në lidhje me ndeshjet zyrtare të organizuara në kuadër të FIGC, FIFA dhe UEFA”.
Hetimi nga Prokuroria e Torinos e drejtuar nga prokurorja publike Manuela Pedrotta, raporton gazeta “La Stampa”, ka nisur prej muajsh dhe prokuroria e FIGC-së është në dijeni edhe për procedurën, të cilës i është dërguar kallëzimi nga avokatët e vetë lojtari në 30 gusht.
Tani do të jetë çështje e konstatimit nëse Fagioli ka vënë vërtet bast dhe mbi të gjitha se çfarë dhe e ardhmja e tij si profesionist mund të varet nga këto përgjigje. /zoom.al/
