Pa kapitenin në dispozicion, ekipi i Inzaghi-t vuajti në finalizim, goditen 6 herë kuadratin, por goli i avantazhit erdhi vetëm në minutën e 42-të, me Arnautovic, i cili ndoqi mirë aksionin, topi i goditur nga Barella u përplas fillimisht në shtyllë për t’iu kryer më pas në asisit, me Arnautovic që festoi për golin e tij të parë këtë sezon.

Genoa nuk u dorëzua dhe në fundin e pjesës së parë, gjatë zhvillimeve të një goditje këndi, Dragusin me kokë barazoi shifrat në 1-1.

Në pjesën e dytë, Calhanoglu dhe jo vetëm tentuan në disa raste që gjenin golin trepikësh, por portieri Martinez mbajti në lojën pikën e Genoa-s që ndal një tjetër “big” të Serie A duke i dhënë një asisit Juves. Trajneri Inzaghi nuk preferoi të aktivizonte Asllanin për asnjë minutë, ndërsa pranoi me qetësi verdiktin që dha fusha:

“Nuk kishim pësuar gol nga goditjet standarde këtë sezon, nuk është se jemi të lumtur, por ky rezultat qëndron, klasifikimi gjithashtu është optimal. Gjysma e parë e sezonit ishte e mirë, por e dimë që rrugëtimi është i gjatë dhe i vështirë, duhet të jemi të aftë t’i japim vazhdimësi kësaj që kemi bërë në këto 18 javë”, theksoi Inzaghi.

Kurse Napoli vijon të zhgënjej në Serie A, ngec sërish, këtë herë në një barazim pa gola përballë Monza-s. Mbase janë më fat që dalin me një pikë nga kjo sfidë në një kohë kur Monza shpërdoroi edhe një 11-metërsh me Pesina-n në minutën e 68-të. Me 28 pikë në 18 javë, blutë renditen në vendin e shtatë. Në emër të klubit, pas këtij takimi, në konferencë për shtyp doli vetë presidenti De Laurentiis duke i kërkuar falje tifozëve, por premton se do të ndërhyjë në merkato:

“E gjithë kjo që ka ndodhur është për fajin tim, marr përsipër të gjithë përgjegjësinë. Për këtë i kërkoj falje tifozëve dhe të gjithë napolitanëve për pozicion që kemi në klasifikim. Kampionati është i gjatë akoma, do të lëvizim në merkato për të rikuperuar”, u shpreh De Laurentiis.