Alexis Saelemaekers u largua nga Milani pas tri sezoneve si kuqezi. Belgu u huazua në ditët e fundit të merkatos për 500 mijë euro te Bologna, me këta të fundit që do të kenë mundësinë e blerjes së kartonit të tij në verën e ardhshme për 9 mln euro.

24-vjeçari, i cili fitoi titullin kampion me Milanin, theksoi shkaqet e largimit nga kuqezinjtë e Piolit, ndërkohë që u ndal edhe te trajneri i ri Thiago Motta.

“Kisha humbur buzëqeshjen te Milani, por edhe besimin te vetja. Nuk isha më i lumtur. Trajneri Motta më bëri të ndihesha sërish futbollist i rëndësishëm”, shprehet anësori i djathtë, i cili nuk e harron peridhën e bukur të kaluar te Milani, që kulmoi me fitimin e titullit kampion (2022).