Sipas informacioneve të para të policisë, shtetasi me inicialet I.I., dyshohet se ka qenë në gjendje të dehur dhe ngjarja është aksidentale.

Grupi hetimor po punon për sqarimin e rrethanave të ngjarjes, teksa dyshohet për kushtet e sigurisë dhe mungesën e tyre, duke hetuar edhe firmën e ndërtimit.

“Më datë 02.05.2024, rreth orës 12:50, në rrugën “Aleksandër Moisiu”, shtetasi I. I., 57 vjeç, dyshohet se, duke qenë në gjendje të dehur, ka rënë në gropën e ashensorit të një pallati dhe si pasojë e dëmtimeve të marra ka humbur jetën. Grupi hetimor po punon për sqarimin e rrethanave të ngjarjes”, njoftoi policia. /ZOOM.AL/