Një ngjarje e rëndë u raportua këtë të mërkurë në Tiranë, ku një 29-vjeçare plagosi me thikë bashkëshortin e saj.
Sipas policisë, ata u përfshinë në një konflikt për motive të dobëta me njëri-tjetrin dhe në inat e sipër, gruaja ka marrë thikën dhe ka plagosur burrin.
Ky i fundit u dërgua menjëherë në spital, ku ndodhet jashtë rrezikut për jetën, ndërsa 29-vjeçarja u arratis nga vendngjarja.
Policia është vënë në ndjekje të saj, ndërsa po vijojnë hetimet për të zbardhur më shumë për shkaqet që e çuan 29-vjeçaren drejt plagosjes./ Zoom.al
