Një lajm i trishtë tronditi mbrëmjen e kësaj të marte politikën shqiptare, teksa ish-kryetari i Kuvendit dhe një nga figurat më të shquara të Partisë Socialiste, Servet Pëllumbi u nda nga jeta në moshën 89-vjeçare.
Pëllumbi konsiderohet si një nga figurat më të rëndësishme të së majtës shqiptare në 30 vitet e fundit.
Servet Pëllumbi është babai i deputetit socialist Arben Pëllumbi, i cili duket se po përjeton një tjetër dhimbje në familjen e tij, pasi kohë më parë ka humbur edhe një pjesëtar tjetër të familjes.
Bëhet fjalë për Gentjan Meçajn, ish-drejtorin e ALUIZNI-t, i cili u nda nga jeta në moshën 44-vjeçare më 15 mars, pasi vuante nga një sëmundje tepër e rëndë.
Meçaj është vëllai i gruas së Arben Pëllumbit, Holtës, që ka reaguar disa herë në rrjetet sociale për humbjen e të vëllait./ Zoom.al
