Një dron rus goditi një bllok apartamentesh në Rumani duke shkaktuar zjarr dhe duke plagosur dy persona, ndërsa ka nxitur një reagim të fortë nga zyrtarët e NATO-s dhe BE-së.
Incidenti ndodhi të premten në qytetin lindor të Galatit, afër kufirit lindor të Rumanisë me Ukrainën dhe Moldavinë.
Presidentja e Komisionit Evropian, Ursula von der Leyen, tha në përgjigje se “lufta e agresionit e Rusisë kishte kaluar edhe një vijë tjetër”, ndërsa NATO dënoi “pakujdesinë e Rusisë”.
Dronët rusë kanë kaluar kufirin e Rumanisë disa herë gjatë luftës katërvjeçare me Ukrainën, por është hera e parë që qytetarë nga vendi anëtar i NATO-s janë lënduar. Rusia ende nuk ka komentuar për incidentin.
Autoriteti i situatave të emergjencës në Rumani tha se e droni shkaktoi një zjarr në katin e 10-të të bllokut të apartamenteve.
Dy persona morën trajtim mjekësor pasi pësuan lëndime dhe rreth 70 persona u evakuuan ndërsa zjarri u shua.
