Mesfushori i Manchester Cityt, Rodri, do të presë deri pas Kupës së Botës për të vendosur për të ardhmen e tij në klub, ndërsa flitet se mund të transferohet tek Real Madridi.
Spanjolli ka edhe një vit të mbetur në kontratën e tij me City dhe më parë ka lënë të kuptohet se do të donte të kthehej për të luajtur në atdheun e tij në një moment të caktuar.
29 vjeçari është shfaqur si një objektiv i mundshëm transferimi nëse kandidati presidencial i Real Madridit, Enrique Riquelme, zgjidhet.
Riquelme po sfidon presidentin aktual Florentino Perez në zgjedhjet e kësaj fundjave.
“Me një Kupë Bote përpara, përgjegjësia ime është të qëndroj i përqendruar,” tha Rodri në një konferencë për shtyp. “Çdo gjë që lidhet me të ardhmen time do të presë deri pas Kupës së Botës.”
Rodri iu bashkua City nga Atletico Madrid në vitin 2019 dhe ka luajtur një rol kyç në suksesin e fundit të klubit, duke fituar katër tituj të Premier League dhe një herë Ligën e Kampionëve.
Ai fitoi Topin e Artë në vitin 2024, megjithëse luajti me lëndime që kur pësoi një këputje të ligamentit të kryqëzuar në shtator të atij viti.
Rodri tha se nuk do t’u “jepte shumë rëndësi” thashethemeve për të ardhmen e tij, pasi është “pjesë e punës”.
“Kur një lojtar i afrohet fazës së fundit të kontratës së tij, është normale që emrat të përmenden”, shtoi ai. “Jam shumë i qetë, e di saktësisht se ku qëndroj dhe do t’ju them se ndoshta nëse nuk do të kishte pasur një Kupë Bote, gjërat mund të ishin ndryshe tani.”
