Marco Silva ka rënë dakord të bëhet trajneri i ri i Benfica-s, ndërsa klubi portugez zyrtarizoi largimin e Jose Mourinhos për në Real Madrid.
48 vjeçari i dha fund karrierës së tij pesëvjeçare si trajner i Fulham një javë më parë kur skadoi kontrata e tij me Craven Cottage.
Benfica tha se kishte arritur një marrëveshje me Silvën, i cili pritet të nënshkruajë një kontratë deri në fund të sezonit 2027-28, e cila mund të zgjatet deri në vitin 2028-29.
Fulham ishte klubi i katërt anglez i Silvës, pas periudhave në krye të Hull City, Watford dhe Everton.
Largimi i Mourinhos nga Estadio da Luz u njoftua gjithashtu, me Benficën që tha se Real Madridi do t’u paguajë atyre 13 milionë £ (15 milionë euro) kompensim për ta rikthyer 63-vjeçarin në Bernabeu.
“Trajneri Mourinho ka dhënë pëlqimin e tij për këtë punësim”, shtoi një deklaratë e Benfica. “Kështu përfundoi periudha e dytë e Jose Mourinho-s si trajner i ekipit profesional të futbollit të Benfica.”
Mourinho mori drejtimin e Benfica-s në shtator dhe i udhëhoqi ata në vendin e tretë në Primeira Liga këtë sezon, ndërsa ata e kaluan sezonin e ligës të pamposhtur.
Në periudhën e tij të mëparshme në krye të Real Madridit midis viteve 2010 dhe 2013, portugezi fitoi La Ligën, Kupën e Mbretit dhe Superkupën e Spanjës.
Rekordet e Kupës së Botës, Messi dhe Mbappe “kërcënojnë” disa prej arritjeve historike
