Sulmuesi i FC Bacerlona, Pierre Emerick Aubameyang ishte viktimë e një grabitjeje të dhunshme në orët e para të mëngjesit të së hënës.

4 burra hynë në shtëpinë e tij, duke e rrahur atë dhe duke e kërcënuar atë dhe gruan e tij me armë zjarri dhe u larguan duke marr sende me vlerë me një Audi A3 të bardhë.

El Pais raporton se të paktën katër burra u ngjitën në kopshtin e tij në kompleksin në Castelldefels dhe e kërcënuan me armë zjarri dhe shufra hekuri. Hajdutët u arratisën me bizhuteritë, pasi arritën të hynin në kasafortën e lojtarit.

Aubameyang – i cili iu bashkua klubit nga Arsenali në janar – u sulmua nga agresorët në sytë e gruas së tij Alysha.

33-vjeçari ka qenë me Alysha për më shumë se dhjetë vjet pas takimit kur lojtari ishte në AC Milan. Ata kanë dy fëmijë së bashku – Curtys, 11 vjeç dhe Pierre, gjashtë. Aktualisht nuk dihet nëse fëmijët kanë qenë në shtëpi gjatë sulmit të frikshëm. /zoom.al./