Cher është gati të martohet përsëri. Mirror që raporton se gati 50 vjet pas përfundimit të martesës së saj të dytë, këngëtarja thuhet se do të martohet me të dashurin e saj Alexander “AE” Edwards para ditëlindjes së saj të 80-të në maj.

“Cher nuk interesohet fare për diferencën në moshë dhe të dy janë gati t’i përkushtohen njëri-tjetrit”, tha një burim për Mirror.

“Ajo e sheh festimin e 80- vjetorit të ardhshëm si kohën e përsosur për të vulosur lidhjen e saj me Alexander”, shtoi burimi.

Megjithatë, përfaqësuesi i këngëtares së famshme tha për Page Six se lajmi “nuk është i vërtetë”. Këngëtarja iu është referuar diferencës së madhe në moshë me partnerin e saj, duke thënë CBS News se “Askush nuk e di çfarë po ndodh mes nesh, por ne kalojmë shumë mirë.”

Në të njëjtën intervistë, ajo deklaroi se mosha nuk është problem as për Edwards, i cili i ka thënë “e di, po plakesh, por shpirti yt është më i ri”.

“E dua. Mendoj se është i bukur. Është vërtet i talentuar. Është një nga njerëzit më të talentuar që kam takuar ndonjëherë”, shtoi Cher për partnerin e saj, me të cilin është bashkë që nga nëntori i vitit 2022.