zoom

Stil

Ç’është #RespectShakira, hashtagu që po pushton Twitter-in?

Më 7 mars, hashtagu #RespectShakira filloi të ishte trendi në “Twitter”, pasi disa foto me banderola fyese drejtuar këngëtares 44-vjeçare u përhapën në internet.

Sipas fotografive të shpërndara në mediat sociale, një nga pankartat shkruante “Shakira a La Jonquera”. La Jonquera është një vend i ndodhur në kufirin e Francës dhe Spanjës, dhe ka një nga bordellot më të mëdha në Evropë.

“The Sun” raportoi se banderola mbahej nga një grup tifozësh të Paris Saint-Germain. Ekipi u  përball me skuadrën e Barcelonës në Ligën e Kampionatit UEFA më 10 mars.

shakira (4)

Siç dihet, bashkëshorti i Shakira-s, Gerard Piqué, luan për skuadrën e Barcelonës. Megjithatë, Piqué, i cili ka dy fëmijë me Shakira-n, nuk luajti në ndeshje për shkak të një dëmtimi në gju.

Kjo nuk është hera e parë që Shakira është në shënjestër. Në vitin 2012, u përhapën foto të tifozëve që kalonin rreth një kukulle të zhveshur dhe emri i Shakira-s shkruhej në pjesën e pasme, pasi Real Madrid fitoi titullin e kampionatit spanjoll, të cilin për tri vitet e fundit me radhë e kishte fituar Barcelona. Pankarta drejtuar yllit të muzikës u panë gjithashtu në një lojë të vitit 2016.

shakira (1)

Pasi u rishfaqën këto foto, fansat e artistes iu drejtuan rrjeteve sociale për të kritikuar këtë sjellje.

Është viti 2021 dhe ata ende bëjnë komente të neveritshme seksiste në banderola, brohoritje seksiste për të… Është një dukuri e rregullt që ka kaluar ndër vite,” shkroi një ndjekës në “Twitter”.

shakira (2)

Ajo nuk e meriton atë, ashtu si asnjë grua. Ne nuk duhet të qëndrojmë pa bërë gjë dhe të pranojmë që ajo të degradohet. #RespectShakira.

Komente të tilla në mbrojtje të Shakirës pushtuan Twitter-in. Ndërsa nga ana e këngëtares apo futbollistit Piqué nuk pati asnjë reagim.