Tre zjarrfikës janë dërguar me urgjencë në spitalin rajonal të Vlorës pas asfiksimit gjatë operacioneve për shuarjen e zjarrit në malin e Dukatit.
Mësohet se ata ndodhen jashtë rrezikut për jetën, por kanë pasur nevojë për ndihmë mjekësore të menjëhershme.
Vatra e zjarrit në malin e Dukatit mbetet aktive për të tretën ditë radhazi, duke përfshirë një sipërfaqe të madhe pyjore dhe duke shkaktuar dëme serioze në ekosistem.
Sipas autoriteteve vendore, terreni i thepisur dhe era e fortë po e bëjnë të vështirë ndërhyrjen nga toka dhe po ndihmojnë në përhapjen e flakëve./ Zoom.al
