Një aksident rrugor është regjistruar këtë pasdite në zonën e Lumit të Vlorës, ku një automjet ka dalë nga rruga dhe ka përfunduar në një kanal anësor.
Sipas informacioneve paraprake, dyshohet se shkak i ngjarjes ka qenë shpejtësia e lartë. Drejtuesi i mjetit ka humbur kontrollin, duke bërë që makina të devijojë nga rruga dhe të përplaset me një bordurë betoni përpara se të përfundonte jashtë saj.
Si pasojë e aksidentit, shoferi ka pësuar lëndime të lehta dhe është ndihmuar menjëherë nga shërbimet e emergjencës. Ndërkohë, automjeti ka marrë dëmtime të konsiderueshme materiale.
Autoritetet po punojnë për zbardhjen e plotë të rrethanave të aksidentit./ Zoom.al
