Një aksident rrugor u regjistrua pasditen e kësaj të premteje në fshatin Bushat, njësia administrative Vau i Dejës, ku një automjet përplasi një motomjet me dy të rinj.
Sipas informacioneve paraprake, shtetasi Gj. N., duke drejtuar automjetin e tij, dyshohet se humbi kontrollin mbi drejtimin e mjetit dhe për pasojë, ërplasi një motomjet ku udhëtonin dy të mitur.
Nga aksidenti u dëmtua një 16-vjeçar, pasagjer në motomjet, i cili u transportua menjëherë në Spitalin Rajonal Shkodër. Mësohet se i mituri ndodhet jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit./ Zoom.al
