Një aksident i rëndë me pasojë vdekjen është regjistruar mbrëmjen e së martës në Sukth.

Ngjarja ka ndodhur rreth orës 23:45, në rrugën që lidh Sukthin me Rrushkullin, në lagjen Stalla, ku një automjet është përplasur me një motomjet që drejtohej nga shtetasi A.SH., 28 vjeç.

Si pasojë e përplasjes së fortë, 28-vjeçari ka ndërruar jetë në vendngjarje, pa mundur t’u mbijetojë plagëve të marra.

Menjëherë pas aksidentit, në zonë kanë mbërritur shërbimet e policisë dhe grupi hetimor, të cilët kanë kryer veprimet e para hetimore dhe kanë nisur punën për zbardhjen e plotë të rrethanave të ngjarjes.

Policia bëri me dije se është arrestuar drejtuesi i automjetit, shtetasi M.V., 19 vjeç, i cili dyshohet se ka shkaktuar aksidentin fatal.

Hetimet vijojnë për përcaktimin e shkaqeve dhe dinamikës së plotë të përplasjes.

Postime të lidhura

• 
  Aksident zinxhir në autostradën Tiranë–Durrës