Për aq kohë sa ishte brenda shtëpisë së Big Brother VIP, G-Bani krijoi ndjenja për Danjën.
Këtë ai e pranoi vetë gjatë një interviste për mediat, pavarësisht se Danja është e lidhur me një person tjetër jashtë Redin.
Ky i fundit më herët kishte paralajmëruar se po i sosej durimi nga marrëdhënia midis Danjës dhe G-Banit në shtëpi.
“Po më soset durimi. Nuk i kam borxh asgjë”, ishte mesazhi që Redi i dërgoi Danjës.
Pas daljes nga shtëpia, G-Bani pranoi se Redi ka komunikuar me familjarët e tij për të kërkuar që raporti mes tij dhe Danjës të ndërpritej.
Pjesë nga intervista e G-Banit:
G-Bani– Do më merrte malli për Danjën. Isha i dashuruar kokë e këmbë me të. Tani nuk jam më. Reflektoj dhe shikoj shumë shpejt se çfarë po ndodh. Jam i dashuruar me të qenit në dashuri. Më inspironte, ishte muza ime, e ushqeja unë këtë gjë. Dola nga dashuria shumë shpejt.
Pyetja– Ke pasur komunikim me Redin, të dashurin e Danjës?
G-Bani-Nuk kam pasur komunikim. Ai ka kontaktuar familjarë të mitë dhe ka kërkuar që të mbarojë kjo gjë. Ka qenë komunikim njerëzor, korrekt. Të ishte ndryshe, do ishte marrë vesh./ Zoom.al
