Uji i rubinetit është shumë herë më i mirë për mjedisin sesa uji në shishe, sipas shkencëtarëve.

Studiuesit në Institutin e Barcelonës për Shëndetin Global testuan se rreth 60% e popullsisë në Barcelonë konsumojnë ujë me shishe disa herë në ditë.

“Vlerësimi i ciklit të jetës” u quajt lloji i studimit i cili vlerëson ndikimin mjedisor të një produkti gjatë gjithë jetëgjatësisë së tij.

Vetëm në SHBA prodhimi i shisheve të ujit konsumon 1.5 milion fuçi naftë çdo vit, më shumë sesa do të duhej për të furnizuar 100 mijë shtëpi. Dhe kjo përllogaritje është pa shpenzimet e karburantit fosil ose emetimet e transportit të tyre në dyqane.

Studimi i ISGlobal zbuloi se nëse çdo banor në Barcelonë do të konsumonte ujë në shishe, nxjerrja e lëndëve të para do të kushtonte më shumë se 70 milionë euro dhe do të çonte në humbjen e 1.43 llojeve të kafshëve çdo vit.

Çfarë përdoret për të prodhuar një shishe plastike ndikon 1400 herë më shumë në ekosisteme dhe 3500 herë më shumë në mjedis, sipas studimit.