Presidenti i SHBA-së, Donald Trump, do t’i shtyjë planet për të filluar shkatërrimin e centraleve energjitike iraniane me 10 ditë të tjera, pasi pretendoi se bisedimet me Teheranin po “shkonin shumë mirë”.
Afati i tij i vetëvendosur, të cilin e ka shtyrë tashmë një herë, tani është 6 prilli.
“Sipas kërkesës së Qeverisë iraniane, ju lutem lejoni që kjo deklaratë të shërbejë për të përfaqësuar se unë po e ndërpres periudhën e shkatërrimit të termocentralit me 10 ditë deri të hënën, 6 prill 2026, në orën 8 të mbrëmjes, sipas Orës Lindore. Bisedimet janë duke vazhduar dhe, pavarësisht deklaratave të gabuara të kundërta nga Media e Lajmeve të Rreme dhe të tjerë, ato po shkojnë shumë mirë. Faleminderit për vëmendjen tuaj ndaj kësaj çështjeje! President DONALD J. TRUMP”
Irani nuk ka reaguar publikisht ndaj vendimit të Trump, por Teherani më parë tha se po priste që Uashingtoni t’u përgjigjej kushteve të tij për një armëpushim.
Në një mbledhje të kabinetit, i dërguari special Steve Witkoff konfirmoi se SHBA-të i kishin dërguar Iranit një plan paqeje prej 15 pikash – Trump tha se SHBA-të do të ishin “makthi më i keq” i Iranit nëse nuk do të binte dakord për një marrëveshje paqeje.
Çmimet e naftës ranë menjëherë pasi Trump shtyu sulmet e tij të planifikuara energjetike. Pothuajse 90% e naftës dhe gazit që kalon nëpër Ngushticën e bllokuar të Hormuzit shkon në vendet aziatike.
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
