Më shumë se 60 migrantë vdiqën kur një varkë që transportonte rreth 150 persona u fundos në brigjet e Jemenit për shkak të motit të keq të dielën.

Anija u përmbys në provincën jugore të Abyanit në Jemen dhe janë gjetur 68 trupa, tha për BBC-në shefi për Organizatën Ndërkombëtare për Migracionin (IOM) në Jemen.

Ai shtoi se 12 persona ishin shpëtuar dhe dhjetëra të tjerë ende rezultojnë të zhdukur.

Mendohet se shumica e viktimave janë shtetas etiopianë, deklaroi IOM. Jemeni mbetet një rrugë kryesore për migrantët nga Briri i Afrikës që udhëtojnë drejt shteteve arabe të Gjirit në kërkim të punës, me IOM që vlerëson se qindra kanë vdekur ose janë zhdukur në anije të mbytura në muajt e fundit.