Ditën e sotme, Rusia dhe Ukraina pritet të ulen sërish në bisedime, për të gjetur një zgjidhje rreth situatës së luftës (sot është dita e shtatë).
Vladimir Medinsky, udhëheqës i delegacionit rus tha se takimi i ri do të zhvillohet në kufirin mes Polonisë dhe Bjellorusisë.
Kujtojmë se dy ditë më parë u zhvilluan mbi 6 orë bisedime mes Kievit dhe Moskës në Gomel të Bjellorusisë, bisedime që u mbyllën pa një zgjidhje konkrete.
Ukraina ka deklaruar se dëshiron armëpushim dhe tërheqje të ushtrisë ruse, ndërsa Kremlini ka thënë se nuk do ta bëjë publik qëndrimin e tij.
Mykhailo Podoliyak, këshilltar i presidentit ukrainas, Volodymyr Zelenskyi tha pas takimit të djeshëm se negociatat janë të vështira, por pa ndonjë ultimatum detyrues.
“Fatkeqësisht, pala ruse është ende tejet e njëanshme sa i përket procesit shkatërrues që ka nisur”, u shpreh ai.
Nuredin Dumani edhe në sherret e Shkodrës, 200 mijë euro për të vrarë mikun e Ibrahim Licit
