Ministrja e Shëndetësisë dhe Mbrojtjes Sociale, Evis Sala, njoftoi se në QSUT pas datës 20 prill nuk do të kryhen analiza për pacientët e shtruar për shkak të mungesës së fondeve.

Sala pranoi se pas kësaj date analizat për pacientët e shtruar nuk do të mund të kryhen, duke theksuar se arsyeja lidhet me mungesën e financimit.

Ajo deklaroi se aktualisht po mblidhen të gjitha të dhënat dhe do të bëhet një vlerësim për adresimin e problemit dhe gjetjen e një zgjidhjeje.

“Po vlerësojmë situatën dhe kemi të gjitha të dhënat. Mbi bazën e tyre do të bëjmë planifikimin e shërbimit. Analizat nuk duhet të mungojnë dhe këtë do ta zgjidhim brenda këtij viti”, u shpreh ministrja.

Sipas saj, planifikimi i shërbimit do të bëhet mbi bazën e të dhënave të mbledhura, me qëllim që situata të normalizohet dhe të sigurohet vazhdimësia e analizave në sistemin shëndetësor.

Postime të lidhura

• 
  Alarmi i kuq! Shqiptarët vdesin nga zemra gati dy herë më shumë se Bashkimi Europian
• 
  Na duhet një ekonomist i mirë të drejtojë Ministrinë e Shëndetësisë!