zoom

Aktualitet

Shembet masivi i galerisë së Bulqizës, plagoset rëndë minatori. Niset drejt Tiranës (EMRI)

Një tjetër minator ka mbetur i plagosur këtë të shtunë në minierën e Bulqizës.

I dëmtuari është 53-vjeçari Bilal Sula, me detyrë armator, që ka qenë në frontin e punës teksa është plagosur rëndë, si pasojë e shembjes së një masivi gurësh.

Ngjarja ka ndodhur në galeritë e Albchrome, që tashmë menaxhohet nga turqit e grupit “Yildirim” prej disa vitesh.

Minatori 53 vjeçar është dërguar fillimisht në spitalin e Bulqizës, e më pas është transportuar për mjekim më të specializuar drejt spitalit të traumës në Tiranë.

Ndërkohë grupi hetimor ndodhet në vendin e ngjarjes ndërsa pritet që specialistët e AKSEM të bëjnë vlerësimin e rastit dhe kontrollin e kushteve të punës në galeritë e nëntokës ku ndodhi aksidenti. /ZOOM.AL/