Çifti i njohur i showbiz-it shqiptar, Sarah Berisha dhe Dj PM, janë rikthyer në qendër të vëmendjes së mediave rozë pas një detaji që ka ngjallur spekulime mbi një ndarje të mundshme mes tyre.

Ditën e djeshme, Dj PM festoi ditëlindjen, por ndryshe nga vitet e kaluara, këtë herë fansat vunë re një mungesë të pazakontë: Sarah nuk ka bërë asnjë urim publik për partnerin e saj në rrjetet sociale. Kjo heshtje ka mjaftuar për të ndezur zërat se çifti mund të jetë duke kaluar një krizë.

Ajo që ka shtuar më shumë dyshimet është fakti se të dy nuk kanë publikuar prej kohësh asnjë foto së bashku, një veprim i pazakontë për çiftin që dikur ndante shpesh momente private me ndjekësit e tyre.

Kujtojmë se Sarah Berisha dhe Dj PM u njohën gjatë pjesëmarrjes së tyre në një Big Brother VIP. Megjithatë, siç duket, së fundmi raporti i tyre po kalon një periudhë të paqartë që ka ngritur shumë pikëpyetje.

Asnjëri prej tyre nuk ka reaguar ende publikisht për këto zëra. Fansat mbeten në pritje të ndonjë deklarate apo shenje që mund të sqarojë situatën.