Cristiano Ronaldo kryeson listën e Forbes të atletëve më të paguar për të tretin vit radhazi, ndërsa ylli i NBA-së, Stephen Curry, është ngjitur në vendin e dytë.
Revista e biznesit informon se Ronaldo, i cili e ka kryesuar listën pesë herë gjatë karrierës së tij, i ka rritur të ardhurat e tij totale në 275 milionë dollarë .
Kjo shifër është tejkaluar vetëm nga ish-kampioni i botës në boks, Floyd Mayweather, i cili fitoi 300 milionë dollarë në vitin 2015 dhe 275 milionë dollarë në vitin 2018.
Sulmuesi portugez, Ronaldo, 40 vjeç, u transferua në Ligën Profesionale Saudite me Al Nassr në dhjetor 2022 dhe ka gjeneruar të ardhura më të mëdha përmes marrëveshjeve të sponsorizimit.
Mbrojtësi i Golden State Warriors, Curry ngjitet në vendin e dytë pasi fitoi 156 milionë dollarë.
Boksieri britanik Tyson Fury u ngjit në vendin e tretë me 146 milionë dollarë pavarësisht humbjes së titullit të botës në peshën e rëndë ndaj ukrainasit Oleksandr Usyk në dhjetor.
Rivali i hershëm i Ronaldos, Lionel Messi, ka mbetur edhe më prapa portugezit, pasi ka rënë nga vendi i tretë në të pestin.
“Affinity Partners” nuk është në Zvërnec: Kushner po investon me kapacitet personal
