Francis Ford Coppola, regjisori italo-amerikan i njohur për trilogjinë “Kumbari”, u shtrua në spital në Romë të martën për një operacion të planifikuar në zemër.

86 vjeçari u shtrua në spitalin Policlinico Tor Vergata, raportoi agjencia e lajmeve ANSA, duke shkaktuar spekulime rreth shëndetit të fituesit 5 herë të çmimit Oscar.

“Coppola iu nënshtrua një procedure të planifikuar me Dr. Andrea Natale, mjekun e tij prej më shumë se 30 vitesh, dhe po është mirë”, tha një përfaqësues i regjisorit, duke theksuar se vizita në spital “nuk ishte urgjencë”.

Përfaqësuesi i Coppola-s hodhi poshtë gjithashtu lajmet në median italiane se regjisori kishte pësuar fibrilacion atrial, rrahjeje të parregullt të zemrës, përpara se të hynte në sallën e operacionit.

“Da Dada (siç më quajnë fëmijët e mi) është mirë”, shkroi Coppola në faqen e tij në Instagram të martën, duke i siguruar fansat: “Jam mirë”.

Coppola ishte në Itali për të promovuar filmin e tij të fundit fantastiko-shkencor Megalopolis , i financuar vetë, me vlerë 120 milionë dollarë , në Festivalin e Filmit Magna Graecia në qytetin jugor të Catanzaros muajin e kaluar.