Berisha shtoi më tej se Ramës i ka rënë “si bombë” lajmi se tani është edhe Kongresi i SHBA-së, që është përqendruar në një hetim të plotë për aferën McGonigal.

“Tek përpiqej me daljet e tij nga bunkeri në televizion për të mashtruar shqiptarët në mënyrën më të paskrupullt se Edi Rama nuk është në hetim për aferën “Gonigal” e cila përbën jashtë cdo dyshimi krizën më të rëndë në fushën e zbulimit, aktin më të shëmtuar në historinë e marrëdhënieve shqiptaro-amerikane,

Tek rrekej i shkretuar në shpirt për të mashtruar shqiptarët, i vjen si një bombë njoftimi i dytë se filluar një hetim i dytë për Edi Ramën krahas prokurorit të SHBA.

Tashmë është Kongresi i SHBA, që është përqendruar në një hetim të plotë në aferën Gonigal, në letrën që kongresmenët që kyresojnë komitetin e hetimit të problematikës në fjalë, njoftojnë se kanë vendosur të hetojnë cdo regjistrim personal të McGonigal, përfshi por jo vetëm, çështjet e tij të historisë së punës, vlerësimit, sigurisë dhe dokumente të lidhura me këto.

Cdo dokumenti ku email e Edi Ramës kanë shkuar në kundërshtim me cdo ligj për punët e tyre private në email zyrtar të FBI të McGonigal.

Të gjitha dokumentet, e komunikimet të lidhura me procesin e FBI, për vlerësimin dhe që i përgjigjen hetimit. Cdo dokument pra. Dosja Gonigal ka dy, njëra është dosja nju jorkeze e tjetra është dosja shqiptare.”– tha Berisha.

Berisha iu referua një shkrimi të gjatë të gazetës së madhe amerikane, New York Times, duke thënë se ka njoftuar gjithë dosjen shqiptare.

“Sot Edi Rama ka një lajm tjetër, është personazh kryesor në NYT, ja boton edhe këtë fotografi. Ja ka përzgjedhur këtë foto për tju përshtatur Edi Ramës.

NYT më e madhja në SHBA njofton të gjithë dosjen shqiptare dhe i kushton një shkrim të gjatë aferës Rama-McGonigal, kryesisht dosjes shqiptare.

Në këtë mënyrë, Edi Rama është sot turp i botës së lirë dhe ai duhet të largohet, sepse asnjë shqiptar përvec Duckës, Nezës dhe ndonjë tjetri nuk kanë pse paguajnë ndonjë haraç për të, në kuptimin moral.

Edi Rama u përpoq të mashtronte mbrëmë, por këto dy zhvillime pas daljes së tij e nxijnë edhe më shumë veprën e tij, figurën e tij, në fakt turpërojnë edhe Shqipërinë.

Kështu që ka vetëm një rrugë, dorëheqja e tij e menjëhershme. Unë u them shqiptarëve se ky njeri cdo ditë që rri në pushtet rri për tju vjedhur ju dhe pasuritë tuaja.

Ky njeri tha që nuk do shkojë në Parlament dhe për këtë fajësoi opozitën e cila kërkoi në mënyrën më legjitime debat me mocion për aktin e tij të shëmtuar.”-shtoi Berisha.