Komisioneri për Mbrojtjen nga Diskriminimi ka reaguar pas një deklarate të papërshtatshme në “Big Brother Vip 4”, të cilësuara si islamofobi nga aktori Laert Vasili.
“Pse the Allahu Ekber, e di kush thotë Allahu Ekber ata që presin koka. Çka je, terrorist je këtu, për çfarë ke ardhur këtu?”, tha Laerti gjatë një debati me Gjestin, pasi ai përmendi fjalët e shenjta.
Komisioneri për Mbrojtjen nga Diskrimini njofton thotë se është duke konsideruar nisjen e një hetimi kryesisht (ex-officio) për deklaratat e shprehura gjatë emisionit “Big Brother Vip 4”, si dhe do të mbajë qëndrime publike për këtë ngjarje.
“Komisioneri për Mbrojtjen nga Diskriminimi shpreh keqardhjen për përdorimin e gjuhës diskriminuese dhe krahasimorëve negativë publikë. Deklaratat me krahasime negative, paragjykuese dhe stigmatizuese është një akt i patolerueshëm publik. Komisioneri fton aktorin L. V. të kërkojë ndjesë publike ndaj komuniteteve fetare, posaçërisht komunitetit të besimtarëve mysliman për krahasimet e papërshtatshme që lëndojnë komunitetit e besimtarëve. Njëkohësisht, nxit produksionin e “Big Brother Vip 4”, si dhe operatorin kombëtar “Top Channel” për marrjen e masave të përshtatshme mbi ngjarjen e ndodhur dhe mospërsëritjen e situatave të tilla. Përdorimi i gjuhës së urrejtes dhe krahasimet denigruese në platformat televizive kombëtare të debatit, me rezonancë të lartë në shoqëri, nuk ndihmojnë në zhvillimin e një debati konstruktiv, të arsyeshëm dhe të lirë për bashkëjetesën dhe tolerancën midis grupeve të ndryshme dhe shoqërore.”thotë Komisioneri.
