Aplikacion
Fermerët kanë bllokuar për disa minuta aksin nacional Berat-Lushnjë dhe kanë hedhur në rrugë edhe produktet e tyre, domatet, kastravecat, specat dhe të tjkera, në shenjë indinjate për trajtimin që po u bëhet nga shteti.
Protesta është zhvilluar edhe me tensione dhe ofendime të herëpashershme mes protestuesve dhe policisë, kur kjo e fundit është përpjekur të pengojë bllokimin e rrugës nga protestuesit. Fermerët kanë deklaruar se,ata po shkojnë drejt falimetimit, për shkak të diskriminikit dhe moskontrollit nga shteti të pikave të grumbullimit,që produketet e tyre i marrin me çmime qesharake dhe pa fatura tvsh-je e fatura tatimore.
Sipas fermerëve, puna dhe mundi i tyre po shkon dëm, ata e kanë të pamundur të nxjerrin edhe shpenzimet e kultivimit të prodhimit, blerjes së farave dhe pesticideve. Fermerët deklarojnë se kjo gjendje e rënduar po i detyron ata ti hedhin prodhimet e tyre kanaleve,pasi dule mos u shitur prodhimi kalbet.Fermerêt deklarojnë se protestat e tyre do të vazhdojnë dhe i bëjnë apel Ministrisë së Bujqësisë dhe kryeministrit ti japi zgjidhje kësaj situate tejet të rënduar.
Armelind Meta,kryetari i Sindikatës së fermerëve të bashkuar, ka deklaruar se protestat e fermerëve,jo vetëm që nuk do të ndalen por do të zhvendosen edhe para kryeministrisë në Tiranë,derisa të plotësohen kushtet e tyre.”Ne do ti vazhdojmë protestat tona deri në zgjidhjen e kësaj situata të rënduar pasi jemi pa asnjë mbrojtje nga shteti dhe jemi të falimentuar”, ka thënë Meta. /ZOOM.AL/
U plagosi shokun, 40 shqiptarë në burgun e Torinos bëhen bashkë dhe rrahin marokenin