Teksa në videot e publikuara duket momenti kur Elia dhunon, fyen dhe akuzon Princ Lekën për falsifikim të diplomës, në një reagim për emisionin “Vizioni i Pasdites”, ajo ka shpjeguar se ndodhet në një situatë të vështirë prej disa javësh.

Elia Zaharia e justifikon dhunën në video duke argumentuar se nuk ishte e lehtë për të të shikonte sesi Princ Leka përpiqej të dhunonte babanë e saj, Gjergj Zaharia.

“Është situatë shumë e vështirë për mua dhe familjen time, pasi nuk është e lehtë të kthehem në shtëpi dhe të gjej Lekën që përpiqet të dhunojë babanë tim 73-vjeçar. Konflikti nuk ka të bëjë absolutisht me mua, përveç se u përpoqa ta ndaloj! Për çdo gjë po ndjek rrugën gjyqësore”, tha Elia Zaharia.

Princ Leka dhe Elia Zaharia janë në proces divorci, pas 7 vitesh martesë dhe më shumë se një dekadë histori dashurie. Ndërkohë që vajza e tyre, Geraldina Zogu është në kujdestarinë e të ëmës, Princ Leka po shijon romancën me fotografen Blerta Celibashi.