Ndonëse nuk ka shumë detaje, dyshja duket se do të vijnë me një projekt të ri muzikor, sipas fotos së publikuar në Instagram.

Ata kanë rikrijuar foton e Messi-t dhe Ronaldo-s duke luajtur shah.

“Ronaldo dhe Messi në hip hop”; “Diçka po zihet”; “Kemi pritur 12 vjet për këtë”; “Më bëhet qejfi që ju shoh prapë bashkë” ishin disa prej komenteve.

Ledri, para shumë vitesh ka qenë pjesë e Babastars, grupi i krijuar nga Getoari, ku bënin pjesë dhe reperë të tjerë si Cozman, Skivi, Stresi, Majk etj. Por pas disa konfliktesh Ledri qe i pari që u largua, ndërsa grupi nisi të shpërbëhej.

Në 2020 gjatë një interviste , Ledri tregoi se nuk ka asnjë problem me Getoarin dhe se i kanë rregulluar raportet me njëri-tjetrin ndonëse nuk ishin takuar.

“Nuk është se nuk flas. Vetëm rrugët tona janë të ndara, kemi gjëra të ndryshme. Unë e kam në Instagram, nuk kam asgjë kundër. E shoh se çfarë bën. Edhe takimi me të nuk ka problem; ka ndodhur ajo që ka ndodhur nuk ia vlen të mbajmë inat. Njeriu i mirë fal. Nuk është se ai nuk më bëri asgjë. Pastaj nuk e pashë të arsyeshme të qëndroja atje, i pashë si re të zeza dhe doja të largohesha nga retë e zeza. Nuk kam asgjë kundër. Më vjen mirë që i shoh të gjitha mirë, Unikkatili, Noizy, Getin etj”, u shpreh asokohe Ledri.