Pjesa më e madhe e asaj që liderja e ekstremit të djathtë dëshiron të bëjë, për ekonominë, politikën sociale dhe emigracionin nënkuptojnë thyerjen e rregullave të BE-së dhe ardhja e saj e mundshme në pallatin Elysee fundjavën tjetër mund të jetë katastrofike për 27 anëtarët e bllokut.

Le Penn mund të ketë hequr dorë nga premtimet e mëparshme për ta nxjerrë Francën nga BE-ja, heqja e monedhës së përbashkët dhe nxjerrja nga blloku.

Franca është një nga anëtaret themeluese të BE-së, e dyta për nga ekonomia dhe gjysma e motorit jetik franko-gjerman që ka furnizuar krijimin e saj.

Në zgjedhjet e 2017-ës, frika nga pasojat ekonomike të kësaj politike, mbi të gjitha te votuesit e moshuar të shqetësuar për kursimet e tyre shihet gjerësisht se ka kontribuar në humbjen e saj të rëndë në raundin e dytë kundër pro-evropianit, Emmanuel Macron.

Këtë herë, BE-ja nuk është as me emër në mesin e dhjetëra temave kryesore të programit elektoral të Le Pen. Megjithatë, shumë nga propozimet e saj konkrete të politikave bien në kundërshtim me detyrimet e anëtarësimit në BE.

I njëjti referendum do të vendoste “primatin e ligjit kombëtar mbi ligjin europian” për të lejuar Francën “jo vetëm të kontrollojë imigracionin, por në çdo fushë tjetër, të pajtojë angazhimin e saj evropian me ruajtjen e sovranitetit  kombëtar dhe mbrojtjen e interesave ”.

Le Pen synon gjithashtu të rivendosë kontrollet kufitare mbi importet dhe njerëzit, duke shkelur rregullat e BE-së dhe Shengenit dhe të shkurtojë në mënyrë të njëanshme kontributin e Francës në buxhetin e BE-së – kur kuadri financiar shumëvjeçar i bllokut për 2021-2027 është tashmë i fiksuar. Planet e mëtejshme për të ulur taksat për mallrat thelbësore dhe karburantet do të shkelnin rregullat e tregut të lirë të BE-së

Pyetje të mëdha mund të mbeten rreth asaj se sa nga ky program mund të zbatohet, brenda vendit dhe në një kontekst të BE-së. Ambiciet e Le Penn do të pengoheshin nëse ajo nuk do të fitonte një shumicë parlamentare në zgjedhjet e qershorit dhe ekspertët ligjorë të BE-së kanë theksuar se edhe mbajtja e një referendumi mbi përparësinë e ligjit kombëtar do të ishte shkelje e traktateve evropiane.

Juristët francezë thonë gjithashtu se gjykata më e lartë e vendit, këshilli kushtetues, do të hidhte poshtë planin e Le Pen për një referendum nga dekreti presidencial – duke shmangur nevojën për miratim parlamentar – pikërisht sepse çdo referendum që synon të modifikojë kushtetutën duhet të ketë

Persona brenda  BE-së shqetësohen se një Francë e udhëhequr nga Le Pen do të jepte gjithashtu një nxitje të madhe për qeveritë nacional-konservatore në vende si Polonia dhe Hungaria, potencialisht në aleancë me kryeqytetet që kanë sfiduar prej kohësh supremacinë e ligjit të BE-së dhe janë të bllokuar në betejë me Brukselin.

Për BE-në, një president si  Le Pen mund të nënkuptojë një krizë pesëvjeçare të “karriges bosh”, duke iu referuar ngjarjeve të vitit 1965 kur presidenti i atëhershëm francez, Charles de Gaulle, bojkotoi institucionet evropiane në një rrafsh mbi buxhetin./ The Gurdian- – Përgatiti në shqip për zoom.al M.C/