Një gol trepikësh dhe i vuajtur, ka bërë që Barcelona të kapë vendin e dytë në La Liga.
Katalanasit fituan 1-0 në shtëpi përballë Mallorca-s dhe tashmë e shohin veten 5 pikë larg Real Madrid kryesues, me rivalët që kanë një ndeshje më pak.
Barcelona dominoi takimin, por Muriqi me shokë ishin të rrezikshëm në kundërsulm. Në minutën e 22-të ndërhyn VAR-i pas kontaktit në zonë mes Jose Copete dhe brazilianit Raphinha.
Kryesori akordoi penallti për skuadrën e Xavit. Gjuan Ilkay Gundogan, grushton topin portieri i Mallorcas.
Penalltia e humbur pati ndikim, pasi vendasit nuk arrinin të canin mbrojtjen hermetike të miqve. Pjesa e parë u mbyll pa gola.
E dyta ishte më intensive. Goli i fitores do të vinte në minutën e 73-të nga 16-vjecari Yamal, me Lewandowskin që pasoi për talentin katalanas. Kaq mjaftoi që Barcelona të merrte tri pikë të arta. Kjo ishte një ndeshje e mirë për kosovarin Muriqi, që edhe pse pati disa mundësi, nuk arriti të shënonte dot, si pasojë e përgjigjes së mirë të mbrojtjes vendase. Mallorca ka dalë në finalen e Kupës së Mbretit për këtë sezon.
Por ndeshja nuk ishte në nivelin e pritshëm, teka tifozët shpesh u shfaqën nervozë dhe me fishkëllima në shkallët e stadiumit. Pas De Jong dhe Pedri, katalanasit mbrëmë humbën për dëmtim edhe Rafinjën, teksa në mesjavë presin Napolin për ndeshjen e kthimit në Champions, ku takimi i parë në Itali u mbyll në barazim. /ZOOM.AL/
