Ish-banorja e Big Brother Vip ka rrëfyer se për shkak të dhunës së ushtruar e ëma humbi veshkën dhe e sapooperuar është larguar në drejtim të Greqisë nga mali.

Sara Gjordeni, e ftuar në “Ftesë në 5”, zbuloi se e ëma emigroi kur ajo ishte vetëm 3-vjeçe.

Tim atë nuk e kam takuar kurrë. Nëna ime ka emigruar kur kam qenë 3 vjeçe. Im atë ka ushtruar dhunë ndaj sime më. Ka humbur veshkën atë natë, që prej asaj dite ka probleme me zemrën. Ka shkuar nga mali për në Greqi, ai që e ka çuar ka kaluar nga territori Kosovës. Mami me kujtonte vetëm mua, e sapo operuar ka arritur gjallë në Greqi.

Modelja tregoi se nëna e saj u rikthye kur ajo kishte ditën e parë të shkollës dhe nuk e njohu kur i doli përballë.

Ndërsa u shpreh se është rritur në shtëpinë e gjyshërve në varfëri, ndërsa i ati i vendosi flakën banesës ku jetonte me të ëmën.

Mami kur është larguar, për herë të parë ka ardhur për ditën e parë të shkollës sime. Unë kam qenë në kuzhinë, më duhet të kaloja përmes korridorit kur ishte dera hapur. Te dera shoh një zonjë të veshur shumë mirë, shumë bukur. Ishte veshur shumë mirë. Teze ka ardhur një teta te dera. Im at i ka vendosur zjarrin shtëpisë ku jetoja me mamin. Luna (tezja) ka bërë çmos të mos më mungonte gjë. Kur u dogj shtëpia mu dogjën kukullat dhe tezja më ka bërë kukulla me lecka dhe gurë. Luna më ka mësuar gjithçka.