Një avion i American Airlines u kthye në aeroportin e Las Vegas-it të mërkurën në mëngjes pasi nga një prej motorëve të tij dolën flakë gjatë fluturimit, sipas zyrtarëve.

Avioni u ul në mënyrë të sigurt dhe nuk u raportuan të lënduar.

Fluturimi 1665 i American Airlines u nis nga Aeroporti Ndërkombëtar Harry Reid në Las Vegas me destinacion Charlotte, Karolina e Veriut, rreth orës lokale 08:11.

Një zëdhënës i aeroportit tha se pas ngritjes nga motori i majtë doli tym. Video të postuara në rrjetet sociale treguan tym dhe flakë që dilnin nga motori ndërsa avioni ishte në ajër.

Avioni më pas u kthye në aeroport rreth orës 08:20, sipas një deklarate nga Administrata Federale e Aviacionit.

American Airlines tha se një inspektim i bërë nga ekipi i mirëmbajtjes nuk gjeti asnjë provë që motori të kishte marrë flakë.