Kjo e hënë pritet të karakterizohet nga temperatura shumë të larta dhe mot i kthjellët në të gjithë vendin.
Dielli do të jetë i fortë dhe i pandërprerë, duke rritur ndjeshëm ndjesinë e vapës, sidomos në zonat urbane dhe ato bregdetare.
Në qytete të mëdha si Tirana, Durrësi, Shkodra, Fieri dhe Gjirokastra, temperaturat maksimale do të arrijnë deri në 34–36°C.
Në zonat si Kukësi dhe Korça temperaturat pritet të luhaten mes 30 dhe 32°C.
Për shkak të lagështirës së ajrit dhe ekspozimit të lartë ndaj rrezeve ultraviolet, meteorologët paralajmërojnë për një ndjesi të lartë të nxehtësisë, e cila mund të jetë më e madhe se ajo që tregon termometri.
Qytetarët këshillohen të qëndrojnë në ambiente të freskëta gjatë mesditës, të shmangin daljet e panevojshme dhe të konsumojnë mjaftueshëm lëngje, për të shmangur dehidratimin dhe lodhjen nga vapa./ Zoom.al
