Bob Menendez do të japë dorëheqjen nga Senati i SHBA-së, sipas CBS, pasi u dënua për marrje ryshfeti duke përfshirë shufra ari për të ndihmuar qeveritë e huaja.

Demokrati i Nju Xhersit i kishte rezistuar thirrjeve për dorëheqje – duke përfshirë edhe udhëheqësin e shumicës demokrate në Senat, Chuck Schumer. Dorëheqja e tij vjen një ditë pasi komisioni i etikës i Senatit filloi një shqyrtim mbi përjashtimin e tij.

Menendez – dikur kreu i Komitetit të Marrëdhënieve me Jashtë të Senatit – u shpall fajtor për 16 akuza që lidhen me korrupsionin. Ai përballet me dekada burg.

70-vjeçari shprehet i pafajshëm, duke thënë jashtë gjykatës pas dënimit të tij se “asnjëherë nuk e ka shkelur betimin tim publik”. Ai do të dënohet më 29 tetor.

CBS tha se dorëheqja e Menendez do të jetë efektive nga 20 gushti.

Një dorëheqje në fund të gushtit do t’i lejonte atij të mbledhë të paktën një muaj tjetër nga paga e tij në Senat dhe sigurimi shëndetësor, në një kohë kur financat e tij janë të tendosura dhe gruaja e tij, Nadine, po i nënshtrohet trajtimit të kancerit, raportoi The New York Times.