Mbreti Charles dhe Mbretëresha Camilla festuan 20-vjetorin e martesës së tyre gjatë një vizite shtetërore në Itali më 9 prill 2025.

Dhe Mbretëresha zbuloi disa detaje personale për marrëdhënien e tyre të lumtur. Në një bisedë me gazetarët, Camilla tregoi çelësin e martesës së tyre të qëndrueshme.

Duke reflektuar për dy dekadat e tyre së bashku, Camilla shprehu habinë se sa shpejt kishte kaluar koha.

“Njëzet vjet, kush mund ta besonte se janë 20 vite? Cili është sekreti? Nuk e di… mirë… Supozoj se është thjesht një lloj miqësie, me të vërtetë,” tha ajo për Hello!, duke theksuar rëndësinë e respektit të ndërsjellë.

Camilla shpjegoi më tej se aftësia e tyre për të qeshur me të njëjtat gjëra dhe për të eksloruar jetën së bashku ka luajtur një rol të rëndësishëm në lidhjen e tyre.

“Të qeshësh me të njëjtat gjëra, të vazhdosh jetën”, shtoi ajo, duke theksuar se gëzimi që ndajnë e ka bërë lidhjen e tyre të fortë dhe të qëndrueshme.