Aventurë e re në horizont për Robert Lewandowskin. 

Polaku nuk është bindur ende për të rinovuar me Barcelonën dhe kontrata në skadencë e bën akoma dhe më intriguese pistën që të dërgon te sulmuesi. Kjo e ka shtyrë Manchester United për t’u hedhur në garë për shërbimet e 37-vjeçarit. Numrat flasin në favor të Lewandowskit, me golat që do të zgjidhnin një problem madhor te “djajtë e kuq”.

Trajneri Ruben Amorim ka shprehur dëshirën për ta pasur polakun në skuadrën e sezonit të ardhshëm, por deri më sot nuk ka pasur asnjë kontakt midis palëve. Kriza financiare e katalanasve mund ta detyrojë klubin spanjoll për të hequr dorë nga shërbimet e polakut.

Lewandowski ka shënuar katër herë në nëntë paraqitje këtë sezon, pavarësisht pikëpyetjeve rreth formës së tij. Dëmtimi që pritet ta mbajë jashtë fushave deri në fillim të muajit dhjetor do të ndikonte akoma dhe më shumë në bindjen e Lewandowskit për të mos rinovuar përtej verës së vitit 2026.

Sulmuesi polak, i cili ka shënuar 105 gola në 156 paraqitje me fanellën blaugrana, nuk është më aq i sigurt në planet afatgjata të klubit katalanas. Pavarësisht një sezoni spektakolar 2024/25, ku shënoi 42 gola dhe ndihmoi Barcelonën të fitonte tripletën, La Liga, Kupa e Mbretit dhe Superkupa e Spanjës, ai mund të jetë duke përjetuar muajt e tij të fundit në “Camp Nou”. Zoom.al/