zoom

Aktualitet

U mor në pyetje në SPAK, kryebashkiaku Pjerin Ndreu: Isha në cilësinë e personit në hetim

Kryebashkiaku i PS-së, Pjerin Ndreu është paraqitur në SPAK mëngjesin e sotëm. Kryetari i Bashkisë Lezhë mbërriti në ambientet e Prokurorisë së Posaçme rreth orës 10:00 dhe qëndroi brenda ambienteve për rreth 1 orë.

Pas daljes nga SPAK, Pjerin Ndreu iu shpreh se ishte thirrur në cilësinë e personit në hetim, pas një kallëzimi të PD-së.

“Arsyeja është thirrje për një cështje që është denoncuar nga PD. Ajo që duhet thënë është 0 shkelje procedurash, 0 korrupsion dhe 0 dëm ekonomik.

Ka një problem procedure, ku PD në Lezhë  nuk është dakord që t’i bëjmë trotuarin njerëzve.

Jemi në proces, dhash shpjegimit, do jap prap. Isha në cilësinë e personit në hetim për veprën penale shpërdorim të detyrës. Është kallëzim politik, por nuk ka të bëjë me asnjë shkelje.

Si duket shërbimi në komunitet që kemi bërë ne, nuk i ka shkuar për shtat PD-së të Lezhës, ndaj janë aty ku janë”, tha Pjerin Ndreu.