Greqia ka vendosur të ndërmarrë masa konkrete për të përballuar rritjen e ndjeshme të çmimeve të karburanteve, një situatë e ndikuar nga tensionet dhe konflikti në Lindjen e Mesme. Qeveria greke ka prezantuar një paketë ndihme me vlerë rreth 300 milionë euro, e cila synon të lehtësojë barrën ekonomike për qytetarët dhe sektorë të ndryshëm të ekonomisë.
Kryeministri Kyriakos Mitsotakis bëri të ditur se kjo paketë do të zbatohet për një periudhë dy mujore dhe përfshin katër masa kryesore, të fokusuara tek ulja e kostove të karburantit dhe mbështetja për kategoritë më të prekura.
Një nga ndërhyrjet kryesore është subvencionimi i naftës në rrjetin e shpërndarjes, me një ulje prej 16 cent për litër, që për konsumatorët përkthehet në rreth 20 cent më pak për litër në çmimin final, duke përfshirë TVSH-në.
Po ashtu, qeveria do të vendosë në dispozicion një Kartë Dixhitale Karburanti, e cila do të përdoret për furnizim në pikat e karburantit, si dhe në transportin publik dhe taksi. Përfitimi mesatar nga kjo skemë llogaritet rreth 36 cent për litër, bazuar në një konsum mujor prej 70 litrash.
Paketa përfshin gjithashtu mbështetje për sektorin bujqësor, ku fermerët do të përfitojnë subvencion prej 15% për kostot e plehrave kimike, të cilat kanë shënuar rritje të ndjeshme kohët e fundit.
Një tjetër masë lidhet me transportin detar: kompanitë e trageteve do të kompensohen nga shteti, me kusht që të aplikojnë ulje të detyrueshme në çmimet e biletave, në mënyrë që tarifat të mbeten në nivele të ngjashme me ato të vitit të kaluar./ Zoom.al
Festa e çmendur për titullin botëror të Spanjës përfundon në tragjedi, humb jetën 13-vjeçari
