Barazim spektakolar 2-2 mes Manchester United dhe Liverpool, në supersfidën e kësaj jave në Premier League, duke i hapur rrugën Arsenal drejt kryesimit, pas fitores 0-3 me Brighton në transfertë të shtunën dhe Manchester City që përmbysi Crystal Palace.

Në Manchester, ndeshja u zhbllokua që në minutën e dytë nga “Djajtë e kuq”, por goli i Garnachos u konsiderua Offside. Pjesa e parë u luajt me një ritëm të “çmendur”, ishin “The Reds” që morën epërsinë të parët me Luis Diaz. Ylli kolumbian realizoi me  një lëvizje të bukur,  i asistuar me kokë nga Nunez.

Pas një pjese të dobët, në pjesën e dytë, ekipi i Ten Hag ndryshoi marsh dhe përmbysi llogaritë me Fernandes dhe Mainoo.

Djemtë e Klopp barazuan llogaritë me golin e Salah pak më vonë, nga pika e bardhë e penalltisë. Kështu, Liverpool renditet në vendin e dytë me 71 pikë. Manchester United renditet në vendin e gjashtë me 49 pikë. /ZOOM.AL/