Reperi dhe manjati i muzikës aktualisht po mbahet në MDC Brookly, ku burimet e TMZ konfirmojnë se ai është në Njësinë e Strehimit Special (SHU), i izoluar nga të burgosurit e tjerë për shkak të natyrës së profilit të lartë.

Ish-gardiani i MDC Brooklyn, Cameron Lindsay tha se vendosja e Diddy në SHU është një masë paraprake për ta mbrojtur atë nga kërcënimet e mundshme brenda objektit.

Sipas Lindsay, të burgosurit mund ta shohin dëmtimin e dikujt aq të famshëm sa Diddy si një mënyrë për të fituar prestigj pas hekurave. një “distinktiv nderi”. Kombinimi i famës së tij dhe akuzave të rënda me të cilat përballet e bëjnë atë një objektiv të mundshëm.

Jeta e Diddy në burg

Jeta në burg s’do të jetë e lehtë për reperin, i cili është mësuar me një mënyrë jetese luksoze. Ditët e tij do të ndjekin një orar të rreptë, duke filluar me zgjim në orën 06:00.

Atij do t’i kërkohet të rregullojë shtratin, të pastrojë qelinë dhe të pastrojë dyshemenë çdo ditë. Koha e rekreacionit është e kufizuar në vetëm një orë në ditë dhe atij do t’i lejohen vetëm tre dushe në javë.

Vaktet e Diddy -t, me gjithsej 1,800 kalori në ditë, do të përgatiten para kohe dhe do të lihen në kuti ngrohëse përpara se t’i dorëzohen atij – që do të thotë se ushqimi ka të ngjarë të jetë larg të qenit i freskët. Izolimi i tij nga të burgosurit kufizon ndërveprimin e tij shoqëror.