Jasir Asani është zyrtarisht një lojtar i lirë pas vendimit për të ndërprerë kontratën me klubin iranian Esteghlal.
Sulmuesi i Kombëtares shqiptare i ka komunikuar klubit përfundimin e bashkëpunimit përmes një letre, ndërsa arsyeja kryesore lidhet me mosshlyerjen e detyrimeve financiare për sezonin e kaluar.
Asani, 31 vjeç, tashmë do të duhet të gjejë një skuadër të re për vijimin e karrierës. Më herët ai ka bërë të ditur se ka pasur interes nga klube të kampionateve të njohura europiane, përfshirë edhe elitën e futbollit spanjoll.
Aventura e tij në Iran u ndikua edhe nga situata e tensionuar në Lindjen e Mesme, ndërsa lojtari humbi edhe hapësirën në Kombëtare. Paraqitja e fundit me fanellën kuqezi për të ishte në fund të muajit shkurt.
Gjatë periudhës së tij me Esteghlal, Asani regjistroi 29 paraqitje, duke shënuar 13 gola dhe duke dhënë 4 asistime. Tashmë vëmendja e tij është e përqendruar te gjetja e një sfide të re në karrierë./ Zoom.al
