Ish-sulmuesi i Anglisë, Wayne Rooney, thotë se ka marrë kërcënime me vdekje kur u transferua nga klubi i fëmijërisë, Everton, te Manchester United.

Në moshën 18-vjeçare, Rooney nënshkroi për Djajtë e Kuq në një marrëveshje prej 27 milionë paund në vitin 2004, pasi refuzoi një ofertë rekord të klubit nga Toffees.

Por transferimi i Rooney nga Merseyside shkaktoi një reagim të ashpër nga disa tifozë të Evertonit.

“Kam marrë kërcënime me vdekje”, tha Rooney për BBC Sport. “Shtëpia e prindërve të mi lyhej me bojë dhe shkatërrohej. Mendoj se duhet të jesh i fortë mendërisht. Njerëzit përreth teje duhet të të ndihmojnë.”

Ai shpjegoi se gjithçka ndodhi për shkak të rivalitetit mes dy skuadrave.

“Largimi ishte i vështirë sepse shkova te Manchester United, dhe Liverpooli e Manchester ishin një rivalitet i madh, kështu që kjo e bëri shumë më të vështirë“, tha ai.

Duke shtuar se: “Por gjithmonë kam pasur mendësinë ‘Nuk më intereson’. E dija çfarë doja dhe dija si ta arrija atë. Më duhej të qëndroja i vendosur. Këta ishin njerëz nga qyteti im, kështu që ishte e vështirë, por mendova ‘Nuk më intereson’, duhet të jesh egoist dhe të marrësh këto vendime.”