Ashtu siç kishte paralajmëruar vetë disa muaj më parë, Beniada ka hedhur në tregun bashkëpunimin e saj të parë muzikor.

Kënga titullohet “Vetes” dhe është një bashkëpunim me këngëtaren Arinda Gjoni.

Pak muaj më parë gjatë një interviste televizive, vetë Beniada pranoi se ishte në planet e saj publikimi i një kënge.

Ajo sqaroi se bëhej fjalë më shumë për një eksperiencë argëtuese, duke pranuar se nuk është këngëtare.

“Nuk jam këngëtare, nuk do bëhem, thjesht do jetë një eksperiencë e bukur me shoqen time të ngushtë”, u shpreh Beniada Nishani.